جريدة السوهاجية

جريدة السوهاجية | صوت من لا صوت له

د شرف الدين الشاذلى يكتب عن كوفيد ١٩ و كبار السن

بقلم أ. د /د شرف الدين الشاذلى

استاذ القلب م

الأعراض الأساسية في مرض كورونا المستجد هي :- السخونة و السعال الجاف
إنما كبار السن للاسف الأمور مختلفه عندهم ، و دا ممكن يؤدي الي تشخيص خاطئ في اغلب الأحوال و بيبقي من الاستحالة نفكر في كورونا … ويفسر ليه ان في عواجيز كتير اتشخصو كورونا بعد وفاتهم في دور المسنين و انضموا الي قائمة ضحايا الكورونا بعد أسابيع من الوفاة زي ما حصل في امريكا و إنجلترا و الصين نفسها …

أعراض كبار السن مختلفه بتظهر في صورة النوم لفترات طويلة اكثر من المعتاد ، عدم القدرة علي الأكل و الشرب لايام .. الوقوع المفاجئ علي الأرض … عدم القدرة علي الكلام و دا بيخلي الأطباء يفكر في central causes الأول و مش بعيد يطلب CT brain .. كان في مرة مريض سنه كبير بريطاني كل ما يتصل بالإسعاف عشان هو تعبان .. يروحوا يلاقوه كويس و مش سخن و علاماته الحيوية ممتازة لحد ما تدهورت حالته تماما

السخونة في الكبار نادره لان الheat center ضايع و ال immune response blunted

كمان الكحة مش كتيره cough reflexes مش مظبوطة
أعراض المرض الأصلي زي هبوط عضلة القلب و حساسية الصدر ممكن يغطي علي الكوفيد ١٩ co morbidity
ممكن تلاقي الأعراض كمان في صورة دوخة. كلامه متلخبط ، مش مركز .. سرحان أو مش عارف الناس و ممكن ضعف عام و ممكن sudden collapse
د شرف الدين شاذلي
استاذ القلب م


جميع الحقوق محفوظة 2020 جريدة السوهاجية - جريدة السوهاجية | صوت من لا صوت له
المقالات والتعليقات المنشوره لا تعبر عن رأي جريدة السوهاجية ولكن تعبر عن رأي صاحبها